Om oss
Opro AS er ei arbeidsmarknadsbedrift som har vore i drift sidan 1993. Vi er lokalisert på Hauge industriområde i Osterøy kommune.
Opro AS er tiltaksarrangør for NAV og driftar tiltaket Varig tilrettelagt arbeid. Vi er ansvarleg for at arbeidstakarane får arbeidsoppgåver og aktivitetar som er tilpassa deira individuelle behov og føresetnadar. Vi skal sørge for nødvendige støtte og opplæring som gjer det lettare for den enkelte å delta i det ordinære arbeidslivet.
Vi har 16 VTA-plassar som er fordelt på tre avdelingar; vaskeri, frukt og pakking og montering. I tillegg driv Opro AS eit dagsenter med ni brukarar som er lokalisert i same bygning som resterande verksemd. Vi tilbyr og arbeidstrening for vidaregåande elevar.
Opro AS skal legge til rette for, og oppmuntre til medverknad i alle forhold rundt tenestene på arbeidsplassen. Vi skal legge til rette for medverknad som oppmuntrar og fremjar sjølvråderett. Vår visjon er «Den beste vegen tilbake til arbeidslivet».
Opro AS er 100% eigd av Osterøy kommune og driftast som eit sjølvstendig aksjeselskap. Styreleiar er Hjalti Gislason og dagleg leiar er Torill Magnussen.
Våre samarbeidspartnere
Jobbfrukt er resultatet av eit samarbeid mellom BAMA og ei landsdekkande gruppe på 80 bedrifter som tilrettelegg arbeid for personar med nedsett arbeidsevne. Ved å abonnere på Jobbfrukt tek di verksemd eit viktig samfunnsansvar, og støttar verdifulle arbeidsplassar.
Opro AS forplikter seg til å levere frukt av KLASSE I gjennom kontrakt med skulefruktordninga. Opro AS leverer skulefrukt til skular på Osterøy, Os, Arna og i Bergen. Utvalget vil variere ut i fra sesong og lokale forhold. Abonnementet på skulefrukt gjeld grunnskulen 1. – 10.klasse.